दिपलक्ष मराठी न्युज

स्पेलिंग बी स्पर्धेत जि. प प्राथमिक शाळा भोजेच्या विद्यार्थ्यांचे केंद्रस्तरावर घवघवीत यश. शिक्षण विभागाच्या वतीने आयोजित करण्यात आलेली स्पेलिंग बी स्पर्धा प्रथम शाळास्तरावर घेण्यात आली. त्यानंतर दिनांक ४ सप्टेंबर २०२६ रोजी पिंपळगाव येथे केंद्रस्तरीय स्पर्धेचे आयोजन करण्यात आले. केंद्रप्रमुख मा. सखाराम महाजन तसेच केंद्रातील ज्येष्ठ शिक्षक यांच्या अध्यक्षतेखाली ही स्पर्धा उत्साहपूर्ण वातावरणात पार पडली. या स्पर्धेत केंद्रातील सर्व शाळांनी उत्स्फूर्त सहभाग नोंदविला. चुरशीच्या या स्पर्धेत विद्यार्थ्यांनी विचारण्यात आलेल्या विविध इंग्रजी शब्दांच्या स्पेलिंग अचूकपणे सांगत आपल्या ज्ञानाचे आणि तयारीचे उत्कृष्ट प्रदर्शन केले. भोजे शाळेतील विद्यार्थ्यांनीही या स्पर्धेत उल्लेखनीय कामगिरी करत विविध गटांत प्रथम क्रमांक पटकावला. पहिला गट – स्वदीप दीपक जाधव – प्रथम क्रमांक दुसरा गट – वैधवी दिलीप पवार – प्रथम क्रमांक तिसरा गट – वैष्णवी जितेंद्र उबाळे व माधवी अरुण चौथे – प्रथम क्रमांक चौथा गट – सायना – प्रथम क्रमांक चारही गटांमध्ये भोजे शाळेच्या विद्यार्थ्यांनी प्रथम क्रमांक मिळवत शाळेच्या...

अक्षरापासून विचारांपर्यंत नेणारा प्रवास...ज्ञानदीप लावणारे माझे गुरु. शिक्षक दिनाच्या निमित्ताने कु.चेतना हिरे या विद्यार्थिनीच्या शब्दांतून प्रा. सौ. जयश्रीताई वाघ मॅडम* यांच्याप्रती कृतज्ञतेची भावना. नातं फक्त गुरु-शिष्याचं नव्हे, तर जीवनाच्या वाटचालीतली एक प्रेरणादायी सखी आणि संवेदनशील मार्गदर्शक असलेल्या व्यक्तीशी जोडलेलं आहे. “गुरु” हा शब्द उच्चारताच डोळ्यांसमोर अशी व्यक्ती उभी राहते, जी केवळ ज्ञान देत नाही, तर जगण्याचा मार्ग दाखवते; हात धरून चालायला शिकवते आणि एका क्षणी स्वतःच्या पायावर उभं राहण्याचं बळही देते. माझ्या आयुष्यात अशाच एका तेजस्वी, समर्पित, प्रेमळ आणि ममतेच्या सागरासारख्या व्यक्ती म्हणजे प्रा. जयश्री वर्मा-वाघ मॅडम. माझ्यासाठी त्यांच्याबद्दल लिहिणं म्हणजे केवळ कौतुकाचे शब्द लिहिणं नाही, तर अंतःकरणात साठलेल्या कृतज्ञतेला शब्दरूप देण्याचा एक छोटासा प्रयत्न आहे. मी आर्ट्स विभागातील विद्यार्थिनी आणि मॅडम वाणिज्य विभागातील प्राध्यापिका. आमचे विषय वेगळे, अभ्यासक्रम वेगळे; त्यामुळे शैक्षणिकदृष्ट्या आमचा थेट संबंध फारसा येत नाही. पण काही नाती विषयांच्या आणि वर्गख...

आराध्या प्रतिष्ठान आयोजित राष्ट्रीय अबॅकस व वैदिक मॅथ्स स्पर्धा उत्साहात संपन्न. * जळगाव:* आराध्या प्रतिष्ठान आयोजित राष्ट्रीय अबॅकस व वैदिक मॅथ्स स्पर्धेचे आयोजन ओरियन सीबीएसई स्कूल, जळगाव येथे मोठ्या उत्साहात करण्यात आले. या राष्ट्रीय स्पर्धेत गुजरात, महाराष्ट्र आणि मध्य प्रदेश या तीन राज्यांमधून एकूण 655 विद्यार्थ्यांनी सहभाग नोंदविला होता. स्पर्धेचे उद्घाटन ह.भ.प. डॉ. मनोज जी महाराज, श्री विजय निकम, हेवी अबॅकस वैदिक मॅथ अकॅडमीचे संचालक श्री समर्थ सिंग पाटील आणि विद्यार्थी प्रतिनिधी देवांशी पाटील यांच्या हस्ते दीपप्रज्वलन करून करण्यात आले. या कार्यक्रमाचे सूत्रसंचालन श्री निलेश मोरे सर आणि प्रतिभा पाटील मॅडम यांनी केले, तर आभार प्रदर्शन मेघा पालवे मॅडम यांनी केले. *शिक्षकांचा गौरव* या प्रसंगी शिक्षण क्षेत्रात उल्लेखनीय कार्य करणाऱ्या शिक्षकांचा सन्मान सौ. सरला पाटील, पूर्वा मोरे आणि सीमा पाटील, अभय पाटील यांच्या हस्ते करण्यात आला. सन्मानित शिक्षकांमध्ये *प्रतिभा पाटील*, ऋचा जोशी, मेघा पालवे, साधना बडगुजर, योगिता पाटील, प्रतीक्षा मोहोळ, कीर्ती चौधरी, कीर्ती पा...

आषाढी यात्रेनिमित्त मुक्तानंद भजनी मंडळाची सुरेल भजनसेवा; भाविक मंत्रमुग्ध. पिंपळगाव हरेश्वर | प्रतिनिधी दिपक मुलमुले  श्रीक्षेत्र प्रतिपंढरपूर म्हणून ओळखल्या जाणाऱ्या श्री समर्थ गोविंद महाराज मंदिर, पिंपळगाव हरेश्वर येथे सुरू असलेल्या आषाढी यात्रेनिमित्त विविध धार्मिक कार्यक्रमांना उत्स्फूर्त प्रतिसाद मिळत आहे. याच पार्श्वभूमीवर मुक्तानंद भजनी मंडळ यांनी मंदिर परिसरात अत्यंत सुरेल व भक्तिरसपूर्ण भजनसेवा सादर केली. विठ्ठल-रुक्मिणी व श्री समर्थ गोविंद महाराज यांच्या नामस्मरणाने संपूर्ण मंदिर परिसर भक्तिमय झाला. मंडळाच्या सुमधुर भजनांनी उपस्थित भाविक मंत्रमुग्ध झाले असून, त्यांनी टाळ-मृदुंगाच्या गजरात भक्तिभावाने सहभाग नोंदवला. भजनसेवेच्या माध्यमातून वारकरी संप्रदायाची परंपरा जपण्याचे तसेच समाजात अध्यात्म, संस्कार आणि एकात्मतेचा संदेश देण्याचे कार्य मुक्तानंद भजनी मंडळाने प्रभावीपणे केले. मंदिर संस्थानच्या वतीने मंडळातील सर्व भजनसेवकांचे कौतुक करण्यात आले. आषाढी यात्रेदरम्यान अशा धार्मिक व सांस्कृतिक कार्यक्रमांमुळे मंदिर परिसरात भक्तिमय वातावरण निर्माण झाले असून, भाविकां...

 प्रा. सौ. जयश्रीताई कोमल वाघ यांची शासनाच्या महिला व बाल विकास विभागाच्या जिल्हा तक्रार निवारण समितीवर अशासकीय व्यक्तिगत सदस्या म्हणून गौरवास्पद नियुक्ती. मुख्य संपादक :-दिपक मुलमुले 9595470800 महिलांना कामाच्या ठिकाणी सुरक्षित, सन्मानजनक आणि भेदभावमुक्त वातावरण मिळावे, तसेच लैंगिक छळाच्या तक्रारींवर प्रभावीपणे कार्यवाही व्हावी या उद्देशाने महाराष्ट्र शासनाच्या महिला व बाल विकास विभागाने जिल्हास्तरीय स्थानिक तक्रार समित्यांवरील अशासकीय सदस्यांची सुधारित यादी प्रसिद्ध केली आहे. या यादीत लिनेस क्लब पाचोरा अध्यक्षा तथा श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालय, पाचोरा येथील प्राध्यापिका प्रा. सौ. जयश्रीताई कोमल वाघ यांची अशासकीय सदस्य म्हणून नियुक्ती करण्यात आली आहे. कामाच्या ठिकाणी महिलांचे लैंगिक छळापासून संरक्षण (प्रतिबंध, मनाई व निवारण) अधिनियम, २०१३ अंतर्गत कार्यरत असलेल्या या समित्यांवर महिलांच्या तक्रारींची निष्पक्ष चौकशी करून त्यांना न्याय मिळवून देण्याची जबाबदारी असते. तसेच सुरक्षित कार्यसंस्कृती निर्माण करण्यासाठी जनजागृती, मार्गदर्शन आ...

सामाजिक कार्यकर्त्या श्वेता सीमा विनोद पाटील यांना उद्या मिळणार यशवंतराव चव्हाण राज्यस्तरीय युवा पुरस्कार २०२५-२६ पिंपळगाव प्रतिनिधी :-दिपक मुलमुले(पाटील) पिंपळगाव हरे येथील सामाजिक कार्यकर्त्या श्वेता सीमा विनोद पाटील यांना विविध सामाजिक, शैक्षणिक व जनहिताच्या कार्याची दखल घेत 'यशवंतराव चव्हाण राज्यस्तरीय युवा पुरस्कार २०२५-२६' प्रदान करण्यात येणार आहे. या पुरस्कार वितरण सोहळ्यात साहित्य व युवा पुरस्कारांचे वितरण करण्यात येणार असून, पुरस्कारार्थी म्हणून श्वेता सीमा विनोद पाटील यांचा सन्मान करण्यात येईल. हा पुरस्कार खासदार सुप्रिया सुळे, कार्याध्यक्ष, यांच्या हस्ते प्रदान करण्यात येणार असून हा भव्य पुरस्कार वितरण सोहळा नाशिक येथे आयोजित करण्यात आला आहे. श्वेता सीमा विनोद पाटील यांच्या या उल्लेखनीय यशाबद्दल परिसरातून त्यांच्यावर अभिनंदनाचा वर्षाव होत असून, त्यांच्या पुढील सामाजिक कार्यासाठी सर्व स्तरातून शुभेच्छा व्यक्त केल्या जात आहेत.

​पिंपळगाव हरेश्वर येथील 'दि लॉर्ड इंग्लिश मीडियम स्कूल'मध्ये प्रवेश प्रक्रिया सुरू! दिपलक्ष मराठी न्युज संपादक:-दिपक मुलमुले(पाटील) ​पिंपळगाव (हरेश्वर): येथील नामांकित शैक्षणिक संस्था 'उषःकाल प्रतिष्ठान' संचलित 'दि लॉर्ड इंग्लिश मीडियम स्कूल' (प्रस्तावित C.B.S.E. पॅटर्न) मध्ये शैक्षणिक वर्ष २०२६-२७ साठी प्ले-ग्रुप ते इयत्ता २ री पर्यंतची प्रवेश प्रक्रिया सुरू झाली असल्याची घोषणा संस्थेचे संस्थापक अध्यक्ष डॉ. शांतीलाल जी. तेली यांनी केली आहे. ​विद्यार्थ्यांच्या वयोगटानुसार प्रवेशाची रचना खालीलप्रमाणे आहे: ​प्ले ग्रुप: २ वर्ष पूर्ण ​नर्सरी: ३ वर्ष पूर्ण ​ज्युनिअर केजी: ४ वर्ष पूर्ण ​सिनिअर केजी: ५ वर्ष पूर्ण ​इयत्ता १ ली: ६ वर्ष पूर्ण ​इयत्ता २ री: ७ वर्ष पूर्ण ​आधुनिक आणि दर्जेदार शैक्षणिक सुविधा ​विद्यार्थ्यांच्या सर्वांगीण विकासासाठी शाळेत अनेक अत्याधुनिक सुविधा उपलब्ध करून देण्यात आल्या आहेत: ​प्रशस्त इमारत व सुंदर, निसर्गरम्य परिसर आणि मुलांसाठी आकर्षक बाग. ​डिजिटल शिक्षणासाठी ई-लर्निंगची सुविधा आणि सुसज्ज संगणक कक्ष. ​तज्ज्ञ व अनुभवी शिक्षक वर्ग ...

पिंपळगाव हरेश्वरमध्ये निकृष्ट दर्जाच्या गटारीच्या कामामुळे संताप... पाचोरा तालुक्यातील पिंपळगाव हरेश्वर येथे ग्रामपंचायतमार्फत करण्यात आलेल्या अंडरग्राउंड गटारीच्या कामावरून ग्रामस्थांमध्ये तीव्र नाराजी व्यक्त होत आहे. जनतेचे सेवक म्हणून निवडणूक लढवून निवडून आलेले ग्रामपंचायत सदस्यच आता विकासकामांमध्ये ठेके घेत असल्याचा आरोप स्थानिकांकडून केला जात आहे. मिळालेल्या माहितीनुसार, गावात नुकतेच अंडरग्राउंड गटारीचे काम करण्यात आले. मात्र हे काम पूर्ण होऊन दोन महिनेही उलटले नसताना गटारीची अवस्था अत्यंत दयनीय झाली आहे. ठिकठिकाणी गटारी खचणे, फुटणे तसेच पाणी साचण्याच्या घटना समोर येत आहेत. त्यामुळे ग्रामस्थांना मोठ्या प्रमाणावर त्रास सहन करावा लागत आहे. विशेष म्हणजे, अशा कामांसाठी आवश्यक तांत्रिक अनुभव नसताना काही ग्रामपंचायत सदस्यांनीच ठेके घेतल्याची चर्चा गावात सुरू आहे. यामुळे कामाच्या गुणवत्तेवर प्रश्नचिन्ह निर्माण झाले आहे. संबंधित कामात निकृष्ट दर्जाचे साहित्य वापरल्याचा आरोपही ग्रामस्थांनी केला आहे. गावकऱ्यांनी या प्रकरणाची सखोल चौकशी करून दोषींवर कारवाई करावी, तसेच संबंधित काम...

पिंपळगाव हरेश्वर प्रतिनिधी:- पिंपळगाव हरे येथे चैत्र नवरात्रोत्सव निमित्त पिंपळगाव हरेश्वर.पोलीस स्टेशनच्या सहाय्यक पोलीस निरीक्षक कल्याणी वर्मा व ह.भ.प.शिवानंद महाराज यांच्या हस्ते महा आरतीचे आयोजन. पाचोरा तालुक्यातील पिंपळगाव हरे येथे भुरा भगत (गरुड) परिवाराच्या वतीने चैत्र नवरात्रोत्सवाचे आयोजन करण्यात आले आहे. हा उत्सव गुरुवार दिनांक १९ मार्च २०२६ पासून ते शनिवार दिनांक २८ मार्च २०२६ पर्यंत मोठ्या उत्साहात साजरा केला जाणार आहे. त्या निमित्ताने 26मार्च  रोजी महा आरतीचे आयोजन करण्यात आलेले होते... त्या आरतीला गावातील विविध मान्यवर उपस्तित होते. त्यामध्ये पिंपळगाव पोलीस स्टेशनच्या सहाय्यक पोलीस निरीक्षक कल्याणी वर्मा,श्री.गोविंद महाराज यांचे वंशज श्री.शिवानंद महाराज, माजी तंटामुक्ती अध्यक्ष राजू महाजन, पोलीस कमर्चारी, गावातील ग्रामस्थ यांची प्रमुख उपस्तिती लाभली तसेच आज रोजी जोगवा जम्मा जागरण आणि राड वर चालणे हे कार्यक्रम पार पडणार आहे... तरी सर्व ग्रामस्थांनी या कार्यक्रमाचा लाभ घ्यावा.

“प्रा. सौ जयश्रीताई वर्मा वाघ यांची सकारात्मक ऊर्जा व तणावमुक्त जीवनशैली : विशेष मुलाखत उद्या 2 फेब्रुवारी 2026 रोजी आकाशवाणीच्या newsonair या अँपवर” ज्ञान, साधना, कला आणि संवेदनशीलतेचा सुंदर संगम म्हणजे प्रा. सौ. जयश्रीताई वर्मा वाघ मॅडम. श्री सेठ मुरलीधरजी मानसिंगका कला, विज्ञान व वाणिज्य महाविद्यालय, पाचोरा येथील वाणिज्य विभागाच्या प्राध्यापिका असलेल्या प्रा. सौ जयश्रीताई वर्मा वाघ मॅडम यांची सकारात्मक ऊर्जा, मानसिक संतुलन व तणावमुक्त जीवनशैली या विषयावर विशेष मुलाखत दि. २ फेब्रुवारी २०२६ रोजी सकाळी ९:३० वाजता ‘newsonair’ अ‍ॅपवर जळगाव आकाशवाणीवर प्रसारित होणार असून, ही मुलाखत श्रोत्यांसाठी जणू नवसंजीवनीच ठरेल. ही मुलाखत जळगाव आकाशवाणीच्या निवेदिका सौ. वैदेही नाखरे मॅडम यांनी अतिशय प्रभावीपणे घेतली आहे. प्रा. सौ जयश्रीताई वर्मा वाघ मॅडम म्हणजे एका व्यक्तीत साकारलेले अनेक गुणांचे इंद्रधनुष्य  त्या केवळ प्राध्यापिका नाहीत, तर 1) रेकी आचार्य 2) योग शिक्षिका 3)भारतीय लोकनृत्य व बेसिक क्लासिकल डान्समध्ये टॉपर 4) फाइन आर्ट्स टॉपर 5) कॅरम गोल्ड मेडलिस्ट 6) क्रिके...

शालिग्राम मालकर यांचा क्रांती सेना शिवसेना विभागीय अध्यक्ष पदी निवडी बद्दल सत्कार संपन्न. पिंपळगाव हरेश्वर येथील कृऊबा संचालक तथा हरिहरेश्वर मंदिर संस्थान चे माजी अध्यक्ष शालिग्राम ओंकार मालकर यांची आमदार किशोर आप्पा पाटील यांच्या शिफारसीनुसार उपमुख्यमंत्री एकनाथ शिंदे यांनी शिवसेना क्रांतिसेना उत्तर महाराष्ट्र अध्यक्ष पदी मुंबई येथे निवड केली,  निवडीबद्दल गुरुगोविंद सोसायटी चे चेअरमन बालू तुळशीराम बडगुजर व्हा चेअरमन विजय सावळे, संचालक राजधर मालकर, तोताराम मेटे , राजेंद्र गिते, सुरेश भडांगे, भीमाबाई मेटे, जयश्री बडगुजर यांनी तसेच ग्रामपंचायत पिंपळगाव च्या वतीने रवी गिते, उपसरपंच राहुल बडगुजर, गोरख पाटील, कोमल देशमुख, बी डी पाटील सर, पांडुरंग चोरमले, हमदेखा पठाण यांनी शाल श्रीफळ देऊन सत्कार केला आणि भावी वाटचालीस शुभेच्छा दिल्या, सत्कार समारंभाचे आयोजन गुरुगोविंद सोसायटी च्या कार्यालयात करण्यात आले होते, यशस्वीतेसाठी सेक्रेटरी दीपक बोरसे, धान्य विभाग प्रमुख दिनेश बडगुजर, खत विभाग प्रमुख संजय मालकर, कर्मचारी अशोक मालकर यांनी प्रयत्न केले. मालकर यांनी सत्काराबद...

श्वेता सीमा विनोद पाटील शौर्य पुरस्काराने सन्मानित पुणे येथील पत्रकार भवनात आज मदत वेल्फेअर ट्रस्ट यांच्या वतीने आयोजित कार्यक्रमात श्वेता सीमा विनोद पाटील यांना *शौर्य पुरस्कार* प्रदान करण्यात आला. हा पुरस्कार स्वीकारताना श्वेता पाटील यांनी, “हा सन्मान स्वीकारणं म्हणजे माझ्यावरची जबाबदारी अधिक वाढली आहे, याची पूर्ण जाणीव आहे,” अशी भावना व्यक्त केली. महाराष्ट्रासारख्या पुरोगामी राज्यात आजही मुलींवर आणि महिलांवर अत्याचार होणं, तसेच अनेक वेळा त्यांना व्यवस्थेकडून अपेक्षित मदत न मिळणं ही अत्यंत दुःखद बाब असल्याचं त्यांनी नमूद केलं. “अशी परिस्थिती कोणत्याही मुलीवर किंवा महिलांवर येऊ नये यासाठी समाजातील सर्वांनी एकत्र येऊन काम करणं आवश्यक आहे. हेच खऱ्या अर्थाने क्रांतीज्योती सावित्रीबाई फुले यांना अभिवादन ठरेल,” अशी भूमिका त्यांनी यावेळी मांडली. हा पुरस्कार देऊन सन्मानित केल्याबद्दल मदत वेल्फेअर ट्रस्टच्या अध्यक्षा दिपाली वारुळे आणि त्यांच्या संपूर्ण टीमचे श्वेता सीमा विनोद पाटील यांनी मनःपूर्वक आभार मानले. अनाथ मुलांसाठी ट्रस्टकडून सुरू असलेलं कार्य अत्य...

पिंपळगाव हरे -शिंदाड गटातून  जिल्हा परीषद  साठी  कॉग्रेसपक्षा तर्फे श्वेता सीमा विनोद पाटील यांची उमेदवारी जाहीर.  काँग्रेस पूर्ण ताकदीने लढणार , काँग्रेस स्थापना दिनानिमित्त पिंपळगाव हरेश्वर येथे निर्धार. काँग्रेस पक्ष पाचोरा तालुक्यात आगामी निवडणुका पूर्ण ताकदीने लढणार असून संघटन मजबूत करण्यावर भर देण्यात येणार आहे, असे प्रतिपादन महाराष्ट्र प्रदेश काँग्रेसचे राज्य सरचिटणीस ॲड. भाऊसाहेब आजबे यांनी केले. पिंपळगाव हरेश्वर येथे काँग्रेस स्थापना दिनाच्या निमित्ताने २७ डिसेंबर २०२५ रोजी आयोजित चर्चा व स्नेहभोजनाच्या कार्यक्रमात ते बोलत होते. यावेळी जिल्हा परिषद निवडणुकीसाठी एनएसयूआयच्या महासचिव श्रीमती श्वेता सीमा विनोद पाटील यांच्या उमेदवारीस काँग्रेस पक्षाचा पूर्ण पाठिंबा राहील, अशी अधिकृत घोषणा ॲड. आजबे यांनी केली. त्यांच्या विजयासाठी सर्व पदाधिकारी व कार्यकर्त्यांनी कटिबद्ध प्रयत्न करावेत, असे आवाहनही त्यांनी केले. काँग्रेस तालुका अध्यक्ष सचिन सोमवंशी यांच्या अध्यक्षतेखाली हा कार्यक्रम पार पडला. यावेळी सोमवंशी यांनी सत्ताधारी सरकारवर टीका करताना, काँग्रेस...

मनुमाता नगरात रस्ता ‘चोरी’ — गावभर चर्चेला उधाण ! पिंपळगाव हरेश्वर –मनुमाता नगरात , वार्ड क्रमांक ३ मध्ये गेल्या काही दिवसांपासून एक प्रसिद्ध कुजबुज कानावर पडतेय— *रस्ता चोरीला गेला आहे! होय, हे चुकून लिहिलं गेलं नाहीये. काँक्रीटचा रस्ता मंजूर झाल्याचं कॉलनीतील लोक सांगतात… पण रस्ता बांधला काही गेला नाही. म्हणजे मंजुरी कागदावर, आणि प्रत्यक्षात… शून्य किलोमीटरचा काँक्रिटचा शानदार रस्ता! या ‘चोरलेल्या रस्त्या’ची बातमी गावभर पसरताच पिंपळगाव हरेश्वरात एकाचवेळी गंभीर चर्चा आणि कडवट हशा सुरू आहे.  कॉलनीतील नागरिकांनी आता ठरवलंय — " आमचा काँक्रिटचा रस्ता कोणी चोरला ते शोधायचं, प्रशासनाला जाब विचारायचा, आणि गरज पडली तर आंदोलन करायचंच!" दरम्यान, रस्त्याअभावी लहान मुलांपासून ते वृद्धांपर्यंत सगळ्यांची रोज तारेवरची कसरत सुरूच आहे.  कॉलनीतील लोकांचा सवाल अगदी थेट आहे — “आम्ही मतदान करतो, आम्ही गावचेच नागरिक आहोत… मग आमच्या रस्त्याकडे ग्रामपंचायतीचं लक्ष नेमकं कधी वळणार?” आता रस्ता कोणी ‘चोरला’, तो ‘कुठे लपवला’, आणि तो ‘परत मिळेल का’ — याचे उत्तर प्रशासन देणार का, ...

पाचोरा महाविद्यालयामध्ये विद्यार्थ्यांचे समुपदेशन पाचोरा तालुका सहकारी शिक्षण संस्था संचालित श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालय, पाचोरा येथे दि: 24 नोव्हेंबर 2025 रोजी दुपारी शिक्षण विभाग व कनिष्ठ महाविद्यालय समुपदेशन केंद्राच्या संयुक्त विद्यमाने आयोजित संबोधनात प्रा श्रीमती जयश्री वर्मा - वाघ यांनी मालेगाव लैंगिक अत्याचाराच्या पार्श्वभूमीवर विद्यार्थ्यांना पोस्टर दाखवून पोक्सो कायद्याची सखोल माहिती दिली. या संबोधनात महाविद्यालयाच्या वतीने पीडित यज्ञा बाळाला भावपूर्ण आदरांजली अर्पण करण्यात आली.   सदर संबोधनाच्या अध्यक्षस्थानी महाविद्यालयाचे प्राचार्य डॉ शिरीष पाटील हे होते. कनिष्ठ महाविद्यालयाचे पर्यवेक्षक डॉ जे पी बडगुजर यांनी संबोधनाचे प्रास्ताविक केले. संबोधनाचे सूत्रसंचालन प्रा डॉ अतुल सूर्यवंशी यांनी केले तर प्रा कविता महाजन यांनी आभार मानले. प्रा डॉ सुनिता गुंजाळ यांनीही विद्यार्थ्यांना कायद्याचे समायोचीत मार्गदर्शन केले.  शिक्षण विभाग व पाचोरा महाविद्यालयाच्या संयुक्त विद्यमाने आयोजित या संशोधनात वरिष्ठ महाविद्यालयाचे उ...

 एका मनोरुग्ण  महिलेवर जबरदस्तीने अत्याचार, दोघांविरुद्द  पिंपळगाव पोलीस स्टेशनला गुन्हा दाखल.. तालुक्यातील पिंपळगाव पोलीस स्टेशन हद्दीतील  एका गावात महिलेसोबत जबरदस्तीने अत्याचार केल्याचा धक्कादायक प्रकार उघडकीस आला असून, या प्रकरणी पिंपळगाव हरेश्वर पोलीस ठाण्यात दोन तरुणांविरोधात गुन्हा दाखल करण्यात आला आहे. या घटनेमुळे परिसरात प्रचंड खळबळ उडाली आहे. मिळालेल्या माहितीनुसार, पीडित महिला विवाहित असून तिच्या लग्नानंतर काही दिवसांनी तिचे मानसिक संतुलन बिघडले. त्यामुळे ती सध्या आपल्या माहेरी भावाकडे राहत होती. दिनांक 23 ऑक्टोबरच्या सायंकाळी, गावातील दोन तरुणांनी सदर महिलेस दुचाकीवर बसवून नेले. ती मानसिकदृष्ट्या अस्थिर असल्याची माहिती असतानाही, दोघांनी तिच्यावर बळजबरीने अत्याचार केल्याचा धक्कादायक प्रकार समोर आला आहे. सदर घटनेची माहिती गावकऱ्यांमध्ये पसरताच खळबळ उडाली. त्यानंतर पीडितेच्या भावाला हा सर्व प्रकार समजला. भावाने तत्काळ पिंपळगाव हरेश्वर पोलिस ठाण्यात धाव घेऊन दोन्ही संशयितांविरोधात तक्रार दाखल केली. पोलिसांनी तत्काळ गुन्हा नोंदवून तपासाची चक्रे वेग...

भाऊसो श्री.शालिग्राम मालकर याची कृषी उत्पन्न बाजार समिती संचालक पदी बिनविरोध निवड. कृषी उत्पन्न बाजार समिती स्थापना 1945 स्थापनेपासून  पिंपळगाव हरेश्वरला एकही संचालक आत पर्यंत नसून बाजार समिती मध्ये पहिंल्यादाचा मालकर हे संचालक पदी विराजमान झाले आहे. खर तर बाजार समितीची उपसमिती पिंपळगाव हरेश्वर ला असायला पाहिजे कारण  तालुक्यातील मोठं गाव आहे. असे असताना देखील  उपसमिती  नाही. भाजीपाला व धान्य उत्पादक मोठ्या प्रमाणावर असून उपसमिती ची नितांत आवशकता पिंपळगाव हरेश्वर या  गावाला आहे.शालिग्राम मालकर यांच्या रूपाने पिंपळगाव हरेश्वरला   ऐतिहासिक रित्या पहिल्यांदा संचालक पद मिळालं.त्यांच्यावर सर्वत्र शुभेच्छांचा वर्षाव होतोय.पण आता शालिग्राम मालकर यांना पिंपळगाव हरेश्वरला उप बाजार समिती आणून संधीच सोनं करण्याची मोठी संधी चालून आलेली आहे.बाजार समिती च्या कजगाव, भडगाव, नगरदेवला, वरखेडी येथे उप समित्या आहेत.तसेच पिंपळगाव हरेश्वरला उप बाजार समिती आल्यास शेतकरी, व्यापारी यांचा वेळ व पैसा वाचेल तसेच अनेक बेरोजगारांना रोजगार मिळेल. शालिग्राम मालकर हे उप बाज...

पिंपळगाव हरेश्वरचे शिवसेना उद्धव बाळासाहेब ठाकरे गटाच्या कार्यकर्त्यांचा शिवसेना शिंदे गटात प्रवेश सोहळा संपन्न.  शिवसेनेचे खंबीर नेतृत्व पक्षप्रमुख मा. श्री. एकनाथजी शिंदे साहेब व आमदार मा. श्री. किशोर आप्पा पाटील यांच्या नेतृत्वावर विश्वास ठेवून पाचोरा तालुक्यातील पिंपळगाव हरेश्वर येथील मा. उध्दव बाळासाहेब ठाकरे सेनेचे कट्टर समर्थक  कोमलसिंग देशमुख, दिलीप फुलचंद जैन,बी. डी. पाटील सर, पांडुरंग खंडू चोरमले, हमदेखा बाबेखा पठाण, शे. सलीम शेख बशीर, पद्माकर किसन बडगुजर, राजेंद्र मोतीलाल हिवाळे, रुपेश किशोर बडगुजर, सुरेश त्रंबक गुजर यांनी उध्दव बाळासाहेब ठाकरे सेनेला कायमचा जयमहाराष्ट्र करत शिवसेनेचे खंबीर नेतृत्व पक्षप्रमुख मा. श्री. एकनाथजी शिंदे साहेब व आमदार मा. श्री. किशोर आप्पा पाटील यांच्या नेतृत्वावर विश्वास ठेवून स्वइच्छेने शिंदे शिवसेनेत जाही र प्रवेश केला आहे. या कायर्क्रम प्रसंगी आमदार किशोर आप्पा पाटील, विनोद दादा तावडे, राजू पाटील, शालीग्राम मालकर, नंदू दादा पाटील, राकेश महाजन, निलेश पाटील, भगवान पाटील, किरण टेलर, रवी भाऊ गीते, देवि...

सामाजिक व अध्यात्मिक कार्यकर्ते संदीप पाटील यांचा  वाढदिवस  विविध सामाजिक उपक्रमांनी साजरा. पाचोरा तालुक्यातील कडे वडगाव येथे 10 ऑगस्ट रविवार रोजी सामाजिक कार्यकर्ते भाजपा*अध्यात्मिक आघाडी तालुका अध्यक्ष   व श्री स्वामी समर्थ सेवा केंद्राचे प्रचारक संदीप भाऊ पाटील  यांच्या वाढदिवसानिमित्त आरोग्य शिबिर, वृक्षारोपण, शालेय साहित्य वाटप, जेष्ठ नागरिक सन्मान सोहळा,व सेवेकरांसाठी १२ लक्ष जप लिहिण्यासाठी  वह्या वाटप करण्यात आल्या व स्नेहभजनाने कार्यक्रम संपन्न झाला .  या वेळेस सामाजिक, राजकीय, अध्यात्मिक, वैद्यकीय, क्षेत्रातील मान्यवर उपस्थित होते कार्यक्रमाचे अध्यक्ष जि प सदस्य मधू भाऊ काटे होते , प्रमुख उपस्थितीमध्ये शिंदाड उपसरपंच नरेंद्र बापू , शिंदाड सोसायटीचे चेअरमन समाधान भाऊ, व सोसायटीचे संचालक पाचोरा सेवा केंद्राचे प्रतिनिधी गोकुळ दादा, रामभाऊ जळतकर, प्रताप दादा,संजय दादा, बि.एस.दादा, पिंपरी सेवा केंद्राचे प्रतिनिधी प्रमोद पाटील सर व त्यांचे सहकारी बाळकृष्ण धुमाळ,शरद शेळके, किरण पांडे, पंढरी पाटील, पंचक्रोशीतील सर्व पत्रकार बं...

चिकन, मटण शॉप, कत्तलखाने बंद; गॊमांस विक्री करत असतांना आढळ्यास होणार कार्यवाही, पिंपळगाव पोलीस स्टेशन तर्फे मोठा निर्णय. मुख्य संपादक:-दिपक मुलमुले  जिल्हा अधिकाऱ्यांच्या आदेशानुसार पिंपळगाव हरेश्वर पोलीस स्टेशन हद्दीतील सर्वच  चिकन, मटण शॉप, कत्तलखाने बंद राहणार ठेवण्यासाठी व्यावसायिकांना नोटीस बजावून आगामी सण उत्सवांच्या  पार्श्वभूमीवर पिंपळगाव पोलीस स्टेशन येथे  महत्वाचा निर्णय घेण्यात आला आहे. नोटीस मध्ये खालील प्रकारे नमूद करण्यात आले आहे. विषय :- श्रीकृष्ण जन्माष्टमी व गोपाळकाला (दहिहंडी) चे कालावधीत कत्तलखाने, बिफ व मटन / चिकन मास विक्री दुकाने बंद. संदर्भ :- मा. जिल्हाधिकारी सो. जळगाव यांचे कडील पत्र क्र.दंडप्र./०१/ई-ऑफीस/२०२५/१० दि. ०४/०८/२०२५ आपणास याद्वारे कळविण्यात येते की, दि. १५/०८/२०२५ रोजी श्रीकृष्ण जन्माष्टमी व दि. १६/०८/२०२५ रोजी गोपाळ काला (दहिहंडी) या सणाचे कालावधीत कत्तलखाने, बिफ व मटन / चिकन मास विक्री दुकाने बंद ठेवणे बाबत मा. जिल्हाधिकारी सो. जळगाव यांचे कडील पत्र प्राप्त झाल्याने गावातील सर्व मटन, चिकन, बिफ मार्केट, म...

नाग पंचमी ला जिवंत सापाच पुजन न करता प्रतिमेचे पुजन करा सर्पमित्र दिनेश गायकवाड मुख्य संपादक:-दिपक मुलमुले 9595470800  प्रमुख चार जातीच्या विषारी सापांपासुन सतर्कता बाळगा. नाग, मण्यार,घोणस,फुरसे या चार विषारी सापांच्या जाती आहेत. सापाविषयीची श्रध्दा असावी अंधश्रद्धा नको... विषारी सापाचा दंश झाल्यास तात्काळ जवळच्या शासकीय रुग्णालयात उपचार घ्यावे. पाचोरा तालुक्यासह पंचक्रोशीत दररोजच्या सर्पदंश झालेल्या घटना बघायला मिळतात... काही सर्पदंश झालेल्या लोकांना योग्य औषधोपचार न झाल्यास दगावतात तर काही जंतर मंतर करण्यातसाठी मांत्रिकाकडे जातात त्यांचा अमुल्य वेळ मांत्रिकाकडे गेल्यामुळे तो रुग्ण दगावतो तर सर्पदंश झाल्यास तात्काळ जवळच्या शासकीय रुग्णालयात दाखल करावे.. आधुनिकतेच्या काळात तांत्रिक क्षेत्रात तर विस्तार झाला आहे पण आजही नागपंचमीसारख्या पर्वाचं महत्त्व कमी झालेलं नाही. नागपंचमी विषयी माहिती  वाचल्यास तुम्हाला कळेल की, फक्त नागपंचमी पर्व साजरं करण्याचं रूप बदललं आहे. नागदेवतेची पूजा करण्यासोबत आजकाल नागांच्या संरक्षणासाठी मोठ्या प्रमाणावर प्रयत्न केले जात ...

रोटरी क्लब पाचोरा भडगाव चा पदग्रहण उत्साहात साजरा. पाचोरा. काल दि 20 जुलै रोजी मावळते अध्यक्ष डॉ. पवनसिंग पाटील व सचिव डॉ. शिवाजी शिंदे यांच्याकडून नुतन अध्यक्ष म्हणून डॉ. मुकेश तेली तर सचिव म्हणून डॉ. अजयसिंग परदेशी यांनी पदभार स्वीकारला. यावेळी प्रमुख पाहुणे रोटरी डिस्ट्रिक्ट 3030 चे प्रांतपाल ज्ञानेश्वर शेवाळे, के. बी. पाटील (माजी कुलगुरू कवियत्री बहिणाबाईचौधरी उ.म. वि .जळगाव), उप प्रांतपाल किरण देशमुख उपस्थित होते. मावळते सचिव डॉ. शिवाजी शिंदे यांनी प्रास्ताविक केले, तर डॉ. पवनसिंग पाटील यांनी वार्षिक अहवाल सादर केला. मावळते अध्यक्ष डॉ. पवनसिंग पाटील यांनी नुतन अध्यक्ष डॉ. मुकेश तेली यांना अध्यक्षपदाची पिन, कॉलर, हॅमर, चार्टर प्रधान केला. मावळते सचिव डॉ. शिवाजी शिंदे यांनी नुतन सचिव डॉ. अजयसिंग परदेशी यांना पदाची पिन कॉलर दिली. पदभार स्विकारल्यानंतर डॉ. मुकेश तेली यांनी आपल्या संकल्पात जवळपास पाचोरा भडगाव पंचक्रोशीतील 75000 मुलांची थॅलेसेमिया तपासणी, इयत्ता दहावी च्या विद्यार्थ्यांसाठी  5000 विद्यार्थ्यांना आयडील स्टडी ऍप चे वितरण, मुलींसाठी गर्भाशय कॅन्सर लसीकरण अस...

जिल्हा पोलीस अधीक्षक यांच्या हस्ते उत्कृष्ट कामगिरी केल्या बद्धल पिंपळगाव पोलीस स्टेशनच्या टीमचा सत्कार.  पिंपळगाव हरे. ता.पाचोरा वार्ताहार. पाचोरा तालुक्यातील पिंपळगांव हरेश्वर पोलीस स्टेशन हद्दीतील शेवाळे ता. पाचोरा येथील जनाबाई महारु पाटील यांच्या खून प्रकरणी 24 तासाच्या आत तपास लावून आरोपी साहिल मुकद्दर तडवी राजेश अनिल हातांगळे राकेश बळीराम हातांगळे रा. शेवाळे तालुका पाचोरा या तिन्ही आरोपींना तात्काळ ताब्यात घेऊन अटक करण्यात आली होती. त्यामुळे कुणाचा गुन्हा नंबर १५१२०२५ कलम नं.१०३ अन्वये दाखल करण्यात आला होता.सदर गुन्ह्याचे तपासात, मा. पोलीस अधिक्षक सो। श्री महेश्वर रेड्डी, मा. अप्पर पोलीस अधिक्षक चाळीसगांव भाग श्रीमती कविता नेरकर, मा. उप विभागीय पोलीस अधिकारी श्री धनंजय येरुळे यांचे मार्गदर्शनाखाली मा. स.पो.निरी.सो। श्री प्रकाश काळे यांनी सदर गुन्ह्याचे तपासकामी पो.उप.निरी./श्री सर्जेराव क्षीरसागर, उपनिरीक्षक विठ्ठल पवार पो.हे.कॉ./१३६० अभिजीत निकम, पो.कॉ./२४४४ अमोल पाटील,  पो.कॉ./१७३६ ईमरान पठाण पोलीस कॉन्स्टेबल नामदेव इंगळे पोलीस कॉन्स्टेबल मुकेश तडवी असे पथक...

 पत्रकार तथा सामाजिक कार्यकर्ते गजानन भाऊ लाधे यांच्या वाढदिवसानिमित्त मोफत आरोग्य तपासणी व रक्त तपासणी शिबिर. सातगाव नगरीतील पत्रकार  व लोक महाराष्ट्र न्यूज चे संपादक श्री तुळजाभवानी ठिबक सिंचन चे संचालक  श्री गजानन भाऊ लाधे यांच्या वाढदिवसानिमित्त पिंपळगाव हरेश्र्वर येथील सान्वी हॉस्पिटलचे दंतरोग तज्ञ दिनेश एस पवार यांचे मोफत तपासणी व मार्गदर्शन होणार आहे तसेच रक्त तपासणी शिबिर साठी डॉक्टर पंकज पाटील येणार आहेत, तसेच बॉडी स्कॅनर मशीन द्वारे तपासणी व आरोग्य विषयक मार्गदर्शन करण्यासाठी चरणदास नाईक व राजेंद्र चौधरी सर पाचोरा यांचे मोफत असे मार्गदर्शन मिळणार आहे तरी परिसरातील व गावातील सर्वांनी या शिबिराचा लाभ घ्यावा असे गजानन भाऊ लाधे यांच्याकडून आवाहन करण्यात आले आहे.

कार्यकारी संपादक :-गायत्री क्षिरसागर  तालुका विधी सेवा समिती पाचोरा व तालुका वकील संघ पाचोरा यांच्या संयुक्त विद्यमाने विधी सेवा शिबिर एस .एस .एम .एम.महाविद्यालय पाचोरा .येथे आज दि. 09/01/2025 रोजी आयोजित करण्यात आले.   याप्रसंगी  1) POCSO Act - डॉ. सुनीता गुंजाळ 2) Nalsa Child friendly legal services for children -- सौ. ललिता पाटील  यांनी मार्गदर्शन केले.    याप्रसंगी महाविद्यालयाचे प्राचार्य डॉ. शिरीष पाटील , पर्यवेक्षक प्रा.एस एस पाटील, पाचोरा वकील संघाचे सचिव एड. निलेश सूर्यवंशी ,उपाध्यक्ष एड. कविता रायसाखडा, एड. स्वप्निल मोरे ,विद्यार्थी विकास अधिकारी डॉ.तडवी, व महाविद्यालयातील प्राध्यापक व प्राध्यापिका व विद्यार्थी मोठ्या संख्येने उपस्थित होते. कार्यक्रमाचे अध्यक्षस्थान महाविद्यालयाचे उपप्राचार्य डॉ . वासुदेव वले यांनी स्विकारले. गायत्री क्षिरसागर यांनी  सूत्रसंचालन केले. तर प्रा. डॉ. क्रांती सोनवणे यांनी आभार मानले.    डॉ.माणिक पाटील, डॉ.इंगळे ,प्रा सुवर्णा पाटील , प्रा.संजिदा शेख ,डॉ. वळवी, डॉ शारदा शिरोळे इत्य...